Muraleedharaa Strotravali
ಶ್ರೀ ಶ್ರೀ ಕಾಶೀಮಠಾಧೀಶಾನಾಂ ಪರಮಪೂಜ್ಯಾನಾಂ ಸದ್ಗುರೂಣಾಮ್ ಶ್ರೀಮತ್ ಸುಧೀಂದ್ರ ತೀರ್ಥ
ಶ್ರೀಪಾದಾನಾಂ ದಿವ್ಯಸನ್ನಿಧೌ ಕೋಟಾ ಶ್ರೀಕಾಶೀಮಠೇ ವಿರಾಜಿತಾಯ ಶ್ರೀಮುರಲೀಧರ ಕೃಷ್ಣಾಯೂರ್ಪಿತೇಯಂ
ಸ್ತೋತ್ರಾವಲೀ||
1921 ಶಕೇ ಪ್ರಮಾಥಿ ನಾಮ ಸಂವತ್ಸರೇ ಚೈತ್ರ ಮಾಸೇ ಕೃಷ್ಣಪಕ್ಷೇ ತ್ರಯೋದಶಿ ಶುಭೇತಿಥೌ ಬುಧವಾಸರೇ
|| ಶ್ರೀ ಮುರಲೀಧರ ಕೃಷ್ಣ ಧ್ಯಾನಂ ||
ಅಂಸಾಲಂಬಿತ ವಾಮ ಕುಂಡಲಧರಂ
ಮಂದೋನ್ನತಂ ಭ್ರೂತಲಂ
ಕಿಂಚಿತ್ಕುಂಚಿಂತ ಕೋಮಲಾಧರ ಪುಟಂ
ಸಾಕ್ಷೀ ಪ್ರಸಾರೀಕ್ಷಣಂ ||
ಆಲೋಲಾಂಗುಲಿಫುಲ್ಲವೈರ್ಮುರಲಿಕಾಮ್
ಆಪೂರಯಂತಂ ಮುದಾ
ಮೂಲೇ ಕಲ್ಪತರೋಸ್ತ್ರಿಭಂಗಲಸಿತಂ
ಧ್ಯಾಯೇತ್ ಜಗನ್ಮೋಹನಂ ||
|| ಪ್ರಾರ್ಥನಾ ಶ್ಲೋಕ ||
ಶ್ರೀ ಮುರಲೀಧರಂ ವಂದೇ ಕೃಷ್ಣಂ ಗೋವರ್ಧನೋದ್ಧಾರಮ್ |
ತ್ರಿಜಗನ್ಮೋಹನಾಕಾರಂ ದಿವ್ಯಾಲಂಕಾರ ದೀಪಿತಮ್ ||
ರುಕ್ಮಿಣೀ ಸೇವಿತಾಬ್ಜಾಂಘ್ರೇ ಗಂಗಾ ಜನ್ಮನಿಕೇತನ |
ಆಶ್ರಿತ ಜನಮಂದಾರ ಕೃಪಾದೃಷ್ಟ್ಯಾವಲೋಕಯ ||
ಸುಕೃತೀಂದ್ರೈ ಸುಧೀಂದ್ರೈಶ್ಚ ಕಾಶೀಮಠೀಯ ಯೋಗಿಭಿಃ |
ಪೂಜಿತ ದಿವ್ಯಮೂರ್ತೇ ಮಾಂ ಕೃಪಾದೃಷ್ಟ್ಯಾವಲೋಕಯ ||
ಸತ್ಯಜ್ಞಾನಾಮೃತಾಂಭೋಧೇ ಪ್ರಪನ್ನಾರ್ತಿಹರಪ್ರಭೋ |
ನಿತ್ಯಾನಂದ ಸ್ವರೂಪಿನ್ ಮಾಂ ಕೃಪಾದೃಷ್ಟ್ಯಾವಲೋಕಯ ||
ಸುಬ್ರಾಯೂಖ್ಯ ಧರಾದೇವಪ್ರಿಯ ಕೋಟಾಪುರೇಶ್ವರ |
ಅವಾಜ್ಯ ಕರುಣಾಮೂರ್ತೇ ಕೃಪಾದೃಷ್ಟ್ಯಾವಲೋಕಯ ||
|| ಸುಪ್ರಭಾತಮ್ ||
ಯಶೋಧಾ ಸುಪ್ರಜಾಕೃಷ್ಣ ಪೂರ್ವಾಸಂಧ್ಯಾ ಪ್ರವರ್ತತೇ |
ಉತ್ತಿಷ್ಠ ನರಶಾರ್ದೂಲ ಕರ್ತವ್ಯಂ ದೈವಮಾಹ್ನಿಕಂ ||
ಉತ್ತಿಷ್ಠೋತ್ತಿಷ್ಠ ಗೋವಿಂದ ಉತ್ತಿಷ್ಠ ಗರುಡಧ್ವಜ |
ಉತ್ತಿಷ್ಠ ಕಮಲಾಕಾಂತ ತ್ರೈಲೋಕ್ಯಂ ಮಂಗಲಂ ಕುರು ||
ಉದ್ಯನ್ ಸಹಸ್ರಕಿರಣೋಜ್ವಲ ಭಾಸುರಾಗ್ರೇ
ತಾರಾಃ ಕೃತಾಃ ನಿಜಸುಭಾಸುರ ಶಕ್ತಿಹೀನಾಃ |
ದೇವಾಃ ಯಥಾ ತವ ಯಶೋರವಿ ಸುಪ್ರಕಾಶೇ
ಶ್ರೀಕೃಷ್ಣ ಮಾಧವ ಹರೇ ತವ ಸುಪ್ರಭಾತಮ್ ||
ಬಾಲಾರುಣಾರುಣಿತ ಪೂರ್ವ ದಿಗಂತರಾಲಂ
ವ್ಯರ್ಥ ಪ್ರಯಾಸ ಸಹಿತಂ ಬಹುತಾಕ್ಷ್ರ್ಯಕೇತೋ |
ಸಂಸ್ಪರ್ಧತೇ ತವ ಪದಾರುಣ ಪಲ್ಲವೇನ
ಶ್ರೀಕೃಷ್ಣ ಮಾಧವ ಹರೇ ತವ ಸುಪ್ರಭಾತಮ್ ||
ಸರ್ವೇ ದ್ವಿಜಾ ಕಿಲಕಿಲಾ ನನದೈರ್ದಿಗಂತಂ
ಸಂಪೂರಯಂತಿ ನಿಗಮಾಃ ಸತತಂ ಯಥೈವ |
ಆಲಾಪಯಂತಿ ಮಧುರಂ ತವ ಕೀರ್ತಿಗಾನಂ
ಶ್ರೀಕೃಷ್ಣ ಮಾಧವ ಹರೇ ತವ ಸುಪ್ರಭಾತಮ್ ||
ಬ್ರಹ್ಮೇಂದ್ರ ರುದ್ರ ಮರುತಾದಿ ಸುರಾಃ ಸಮಸ್ತಾಃ
ತ್ವತ್ಕೀರ್ತಿ ವಾರಿನಿಧಿ ಶೀಕರ ಬಿಂದು ತುಲ್ಯಾಃ |
ಸೇವಾಪರಾಃ ತವ ಪದಾಂಬುಜಮಾಶ್ರಯಂತೇ
ಶ್ರೀಕೃಷ್ಣಮಾಧವ ಹರೇ ತವ ಸುಪ್ರಭಾತಮ್ ||
ಗೋವಿಂದ ಗೋಪ್ರಿಯ ಪರಾತ್ಪರ ಮಂಗಲಾತ್ಮನ್
ಗೋಪೀ ಹೃದಂಬುಜ ಸರೋಜಸಖೇ ಮುರಾರೇ |
ಕಲ್ಯಾಣ ಸದ್ಗುಣ ಸುಧಾರ್ಣವ ಚಕ್ರಪಾಣೇ
ಶ್ರೀಕೃಷ್ಣ ಮಾಧವ ಹರೇ ತವ ಸುಪ್ರಭಾತಮ್ ||
ಶ್ರೀದೇವಕೀವರಕುಮಾರಕ ವಾಸುದೇವ
ಶ್ರೀನಂದನಂದನ ಸದೈವ ಕಿಶೋರ ಮೂರ್ತೇ |
ರಾಮಾನುಜಾನಘ ಗದಾಗಧ ಶಂಖಪಾಣೇ
ಶ್ರೀಕೃಷ್ಣ ಮಾಧವ ಹರೇ ತವ ಸುಪ್ರಭಾತಮ್ ||
ಶ್ರೀ ಕೌಸ್ತುಭಾದಿಭಿರಲಂಕೃತ ವತ್ಸದೇಶ
ಶ್ರೀ ರುಕ್ಮಿಣೀಶ ಮಧುಸೂದನ ಶಾಙ್ರ್ಗಧಾರಿನ್ |
ನಾರಾಯಣಾವ್ಯಯ ನಿರಂಜನ ನಿರ್ವಿಕಾರ
ಶ್ರೀಕೃಷ್ಣ ಮಾಧವ ಹರೇ ತವ ಸುಪ್ರಭಾತಮ್ ||
ವೃಂದಾವನೇ ವ್ರಜವಧೂಯುತ ಕೇಲಿ ಸಕ್ತ
ರಾಧಾಪತೇ ಮದನ ಮೋಹನ ವೇಷಧಾರಿನ್ |
ಲಾವಣ್ಯಗಾತ್ರ ಸುಮನೋಹರ ಸುಂದರೀಶ
ಶ್ರೀಕೃಷ್ಣ ಮಾಧವ ಹರೇ ತವ ಸುಪ್ರಭಾತಮ್ ||
ವಿಶ್ವಪ್ರಭೋ ವಿರಚಿತಾಖಿಲ ವಿಶ್ವಲೀಲ
ವಿಶ್ವೋದ್ಭವ ಸ್ಥಿತಿಲಯೇಷು ವಿನೋದಚಿತ್ತ |
ವಿಷ್ಣೋ ಜನಾರ್ಧನ ವಿಮುಗ್ಧತನು ಪ್ರದೀಪ
ಶ್ರೀಕೃಷ್ಣ ಮಾಧವ ಹರೇ ತವ ಸುಪ್ರಭಾತಮ್ ||
ವಂಶೀ ಸುನಾದ ತರಲೀಕೃತ ಗೋಪವೃಂದ
ಶ್ರೀಪಾಂಚಜನ್ಯ ಶುಭಘೋಷಣ ಭೀಷಿತಾರೇ |
ಗೀತಾಮೃತೇನ ಸರಲೀಕೃತ ವೇದಬೋಧ
ಶ್ರೀಕೃಷ್ಣ ಮಾಧವ ಹರೇ ತವ ಸುಪ್ರಭಾತಮ್ ||
ಭಕ್ತಾಪರಾಧ ಶತಕೋಟಿ ಸಹಿಷ್ಣುಶೀಲ
ಭಕ್ತಾಬ್ಧಿ ಭಕ್ತಿ ಸುಮಶೀಕರ ಪೂಜಿತಾಂಘ್ರೇ |
ಭಕ್ತೇಪ್ಸಿತ ಪ್ರದ ಸುರದ್ರುಮ ದೇವದೇವ
ಶ್ರೀಕೃಷ್ಣ ಮಾಧವ ಹರೇ ತವ ಸುಪ್ರಭಾತಮ್ ||
ತತ್ಪಾದ ಪಂಕಜ ಮದೂತ್ಸುಕ ಭಕ್ತ ಭೃಂಗಾಃ
ಸ್ವರ್ಗಾದು ಸೌಖ್ಯ ನಿರಪೇಕ್ಷ ಮನೋಭಿತುಕ್ತಾಃ |
ತ್ವಾಮಾಶ್ರಯಂತಿ ತವ ಪಾದ ಸರೋರುಹಾರ್ಥಂ
ಶ್ರೀಕೃಷ್ಣ ಮಾಧವ ಹರೇ ತವ ಸುಪ್ರಭಾತಮ್ ||
ಕೋಟಾ ಪುರೇಶ ಮುರಲೀಕೃತ ರಮ್ಯರೂಪಿನ್
ಕಾಮಾರಿವಂದ್ಯ ಶಿವಯಾನುತ ಮಾರುತೀಡ್ಯ |
ಮತ್ಪ್ರಾಣನಾಥ ಮಮ ಹೃತ್ಸರಸೀರುಹಸ್ಥ
ಶ್ರೀಕೃಷ್ಣ ಮಾಧವ ಹರೇ ತವ ಸುಪ್ರಭಾತಮ್ ||
ಕೋಟಾ ಪುರೇಶ ಮುರಲೀಧರ ಸುಪ್ರಭಾತಂ
ಸ್ತೋತ್ರಂ ಶುಭಂ ಶುಭಕರಂ ಪಠತಾಂ ನರಾಣಾಮ್ |
ಪ್ರಾತರ್ನಿವೃತ್ತಮನಸಾ ಲಭತೇ ಚ ಸದ್ಯಃ
ಶ್ರೀ ಕೃಷ್ಣ ಪಾದಕಮಲಾಮಲ ರಕ್ತಿಚಿತ್ತಮ್ ||
|| ಸ್ತುತಿಃ ||
ಕೋಟಾ ಪುರೇಶಂ ಜಗತಶ್ಶರಣ್ಯಂ
ಸೌಂದರ್ಯಸಾಂದ್ರಂ ಭುವನಾಭಿರಾಮಂ |
ದಿವ್ಯಾಂಗರಾಗೈಃ ಪರಿಚರ್ಚಿತಾಂಗಂ
ಶ್ರೀ ಕೃಷ್ಣಮೀಡೇ ಮುರಲೀಧರಂ ತಮ್ ||
ಘನಾಘನಾಭಂ ತಡಿದಂಬರಾಢ್ಯಂ
ರಾಕೇಂದುವಕ್ತೃಂ ರವಿಕೋಟಿದೀಪ್ತಮ್ |
ಪಿಚ್ಛಾವತಂಸಂ ಮುಕುಟೇಧರಂತಂ
ಶ್ರೀಕೃಷ್ಣಮೀಡೆ ಮುರಲೀಧರಂ ತಮ್ ||
ಸೂರ್ಯಾತ್ಮಜಾಯಾ ಮೃದುವೀಚಿರಮ್ಯಂ
ಜಟಾಕಲಾಪಂ ರುಚಿರಂ ಚ ಯಸ್ಯ |
ಬಾಲೇಂದುಫಾಲಂ ತಿಲಕಾನ್ವಿತಂ ಚ
ಶ್ರೀ ಕೃಷ್ಣಮೀಡೇ ಮುರಲೀಧರಂ ತಮ್ ||
ಆಲೋಲ ಫುಲ್ಲಾಂಬುಜ ಪತ್ರನೇತ್ರಂ
ಬಿಂಬಾರುಣೋಷ್ಠಂ ವಿಲಸತ್ಕಪೋಲಂ|
ಅಶ್ರಾಂತ ಮಂದಸ್ಮಿತ ಸುಂದರಾಸ್ಯಂ
ಶ್ರೀ ಕೃಷ್ಣಮೀಡೇ ಮುರಲೀಧರಂ ತಮ್ ||
ಸತ್ಕುಂಡಲಾಢ್ಯಂ ಶುಭಕಂಬುಕಂಠಂ
ಶ್ರೀಕೌಸ್ತುಭಾದೈಃ ಪರಿಶೋಭಿವತ್ಸಂ |
ಲಕ್ಷ್ಮೀನಿವಾಸಂ ಸುಮಹಾರಯುಕ್ತಂ
ಶ್ರೀ ಕೃಷ್ಣಮೀಡೇ ಮುರಲೀಧರಂ ತಮ್ ||
ಕಟಿಪ್ರದೇಶೇ ರಶನಾವೃತಂ ತಮ್
ಕೇಯೂರಭೂಷಂ ವಲಯಾನ್ವಿತಂ ತಮ್ |
ಸಧ್ವಾನ ಮಂಜೀರ ಸುಶೋಭಿಗುಲ್ಫಂ
ಶ್ರೀ ಕೃಷ್ಣಮೀಡೇ ಮುರಲೀಧರಂ ತಮ್ ||
ಗೋಪಾಂಗನಾಪಾಂಗ ಚಕೋರ ಚಂದ್ರಂ
ಸದ್ಭಕ್ತ ಹೃದ್ವಾರಿರುಹಾಂಶುಮಂತಮ್ |
ಸಂಸಾರ ಕಾಂತಾರ ಕುಠಾರಿಕಾಖ್ಯಂ
ಶ್ರೀ ಕೃಷ್ಣಮೀಡೇ ಮುರಲೀಧರಂ ತಮ್ ||
ಶ್ರೀನಂದಬಾಲಂ ವಿಧಿವಂದ್ಯಪಾದಂ
ಗೋವತ್ಸಪಾಲಂ ಮಥಿತೇಂದ್ರಮಾನಮ್ |
ಸುರಾರಿಕಾಲಂ ದಿತಿಜಾರಿಮಿತ್ರಂ
ಶ್ರೀ ಕೃಷ್ಣಮೀಡೇ ಮುರಲೀಧರಂ ತಮ್ ||
ಸ್ಮರಾರಿವಂದ್ಯಂ ಭುಜಗಾರಿಯಾನಂ
ರಾಧಾಸಮೇತಂ ರಮಣೀಯವೇಷಮ್ |
ಗಿರಾಮತೀತಂ ನಿಗಮಾಗಮೇಡ್ಯಂ
ಶ್ರೀ ಕೃಷ್ಣಮೀಡೇ ಮುರಲೀಧರಂ ತಮ್ ||
ಆದ್ಯಂತ ಹೀನಂ ಶ್ರುತಿ ಸಾಗರಾಂತಂ
ದಯಾಮೃತಾಬ್ಧಿಂ ಸುಗುಣೈಕ ಸಿಂಧುಮ್ |
ಅನಂಗ ತಾತಂ ಸುಮನೋಹರಾಂಗಂ
ಶ್ರೀ ಕೃಷ್ಣಮೀಡೇ ಮುರಲೀಧರಂ ತಮ್ ||
ದೇವಾಧಿದೇವಂ ನವನೀತಚೋರಂ
ಶ್ರೀ ರುಕ್ಮಿಣೀಶಂ ಯದುವಂಶನಾಥಮ್ |
ಕೃಷ್ಣಾಸಹಾಯಂ ಶ್ರಿತ ಪಾರಿಜಾತಂ
ಶ್ರೀ ಕೃಷ್ಣಮೀಡೇ ಮುರಲೀಧರಂ ತಮ್ ||
ಶ್ರೀ ಕೃಷ್ಣ ವಿಷ್ಣೋ ಮುರಲೀಧರ
ಶ್ರೀ ಕೋಟಾಪುರೇಶ ಸ್ತವನಂ ತವೈತದ್ |
ಸದೈವ ಭಕ್ತ್ಯಾ ಪಠತಾಂ ಮುರಾರೇ
ತತ್ಪಾದ ರಕ್ತಿಂ ಕೃಪಯಾ ಪ್ರದೇಹಿ ||
|| ಶ್ರೀಮುರಲೀಧರ ಕೃಷ್ಣಾಷ್ಠಕಮ್ ||
ಶ್ರೀವೇಣುಗೋಪಾಲ ಮಚಿಂತ್ಯರೂಪಮ್
ಶ್ರೀವತ್ಸ ಭೂಷಾನ್ವಿತ ಚಾರುದೇಹಂ |
ಶ್ರೀ ರುಕ್ಮಿಣೀ ಪ್ರಾಣಸಖಂ ಶರಣ್ಯಂ
ಸ್ಮರಾಮಿ ಕೃಷ್ಣಂ ಧೃತರಮ್ಯವೇಣುಂ ||
ಸ್ಮರಾಮಿ ಬ್ರಹ್ಮಾದ್ಯಮರೈಕ ವಂದ್ಯಂ
ಸ್ಮರ ಪ್ರಭಾಭಂ ಶ್ರುತಿವಾಕ್ಯ ವೇದ್ಯಂ |
ಸ್ಮರಾಮಿ ಷಡ್ದೋಷ ವಿಧೂರಮೀಶಂ
ಸ್ಮರಾಮಿ ಕೃಷ್ಣಂ ಧೃತರಮ್ಯವೇಣುಂ ||
ಶ್ರೀ ಪಾಶಿತೀರ್ಥಸ್ಯ ಪುರಪ್ರದೇಶೇ
ಶ್ರೀಪಾರ್ವತೀ ಶಂಕಯೋತ್ಸಮಧ್ಯೇ |
ಸ್ಥಿತಂ ಸದಾ ಕೂಟ ಪುರೇ ಪ್ರಸಿದ್ಧೇ
ಸ್ಮರಾಮಿ ಕೃಷ್ಣಂ ಧೃತರಮ್ಯವೇಣುಂ ||
ಕಾಶೀಮಠಾಧೀಶ ಯತೀಂದ್ರ ದತ್ತಾಂ
ಆಜ್ಞಾಂ ಸಮಾಧಾಯ ಶುಭೇ ಮುಹೂರ್ತೆ |
ಪ್ರತಿಷ್ಠಿಂತ ಪ್ರಾಚಿತ ಕಲ್ಪವೃಕ್ಷಂ
ಸ್ಮರಾಮಿ ಕೃಷ್ಣಂ ಧೃತರಮ್ಯವೇಣುಂ ||
ಸದ್ಗೌಡ ಸಾರಸ್ವತ ವಂಶಜೇನ
ಸುಬ್ರಾಯ ಭಟ್ಟೇನ ನೃಸಿಂಹಜೇನ |
ಸಂಪ್ರಾರ್ಥಿತಂ ವಂಶ ವಿವರ್ಧನಾಯ
ಸ್ಮರಾಮಿ ಕೃಷ್ಣಂ ಧೃತರಮ್ಯವೇಣುಂ ||
ಶರಾಬ್ಧಿ ನಾಗಾಬ್ಜಮಿತೇತ್ರ ಶಾಖೇ
ವೃಷೋದಯೇ ಸೂರ್ಯದಿನೇನೃಭೇಚ |
ಮಾಘೇ ಪ್ರತಿಷ್ಠಾಲಯ ಸುಪ್ರತಿಷ್ಠಂ
ಸ್ಮರಾಮಿ ಕೃಷ್ಣಂ ಧೃತರಮ್ಯವೇಣುಂ ||
ಶ್ರೀ ಪಾರ್ವತೀ ಶಂಕರ ಸಂಯುತೋ ಯಃ
ಸದಾ ಮುದಾ ರಕ್ಷತಿ ಸಜ್ಜನೌಘಂ |
ಸದ್ಭಕ್ತ ಭಕ್ತ್ಯಾ ದೃತ ಪಾದ ಯುಗ್ಮಂ
ಸ್ಮರಾಮಿ ಕೃಷ್ಣಂ ಧೃತರಮ್ಯವೇಣುಂ ||
ಶ್ರೀ ಕೃಷ್ಣ ದೇವಸ್ಯ ಶುಭಂ ಪವಿತ್ರಂ
ಸದಾಷ್ಟಕಂ ಯಃ ಪಠತೀಹ ಭಕ್ತ್ಯಾ |
ತಸ್ಯಾಯುರಾರೋಗ್ಯ ಮಭೀಪ್ಸಿತಂ ಚ
ದದಾತಿ ಕೃಷ್ಣೋತ್ರ ಪರತ್ರ ಮೋಕ್ಷಂ ||
|| ಪ್ರಪತ್ತಿ: ||
ಕೋಟಾ ಪುರೇಶ ಮುರಲೀಧರ ಧೀನಬಂಧೋ
ನಾರಾಯಣಾಮಲ ಹರೇ ಕನಕಾಂಬರಾಢ್ಯ |
ವಿಷ್ಣೋಃ ಮುಕುಂದ ಮಧುಸೂಧನ ವಾಸುದೇವ
ಶ್ರೀ ಕೃಷ್ಣ ತೇಂಘ್ರಿಯುಗಲಮಂ ಶರಣಂ ಪ್ರಪದ್ಯೇ ||
ಶ್ರೀ ಚಕ್ರಶಂಖ ಸರಸೀರುಹ ಕಲ್ಪವೃಕ್ಷ
ವಜ್ರಾಂಕುಶ ಧ್ವಜ ಸುಧಾ ಕಲಶಾತಪತ್ರೈಃ |
ಚಿಹ್ನೈಃ ಪರೈಃ ಸುರುಚಿರೈಃ ಪರಿಶೋಭಿಮೂಲಂ
ಶ್ರೀ ಕೃಷ್ಣಪಾದಯುಗಲಂ ಶರಣಂ ಪ್ರಪದ್ಯೇ ||
ಸಂಸ್ತೂಯಮಾನಮಖಿಲಾಗಮ ವೇದವಾಕೈಃ
ಸದ್ವಂದ್ಯಮಾನ ಮಮರೇಂದ್ರ ವಿಧೀಶಮುಖ್ಯೈಃ |
ಸಂಪೂಜ್ಯಮಾನಮನಿಶಂ ಧರಣೀ ಜನೌಘೈಃ
ಶ್ರೀ ಕೃಷ್ಣಪಾದಯುಗಲಂ ಶರಣಂ ಪ್ರಪದ್ಯೇ ||
ಸೌಗಂಧಿತಂ ನತಜನಾರ್ಪಿತ ಪುಷ್ಪವೃಷ್ಟ್ಯಾ
ಶೋಣೀಕೃತಂ ವ್ರಜವಧೂಕರ ಕುಂಕುಮೇನ |
ಸಂಪೂಜಿತಂ ಯತಿವರೈಸ್ಸತತಂ ಸುಭಕ್ತ್ಯಾ
ಶ್ರೀ ಕೃಷ್ಣಪಾದಯುಗಲಂ ಶರಣಂ ಪ್ರಪದ್ಯೇ ||
ಆರ್ತಿಚ್ಛಿತ ಭವ ಭಯಾತುರ ಸಜ್ಜನಾನಾಂ
ಉಲ್ಲಾಸದಂ ಸ್ಮರಶರಾತುರ ಗೋಪಿಕಾನಾಂ |
ಆನಂದದಂ ಸಕಲಕಾಮ ವಿವರ್ಜಿತಾನಾಂ
ಶ್ರೀ ಕೃಷ್ಣಪಾದಯುಗಲಂ ಶರಣಂ ಪ್ರಪದ್ಯೇ ||
ಮಾಧುರ್ಯ ಮೌಗ್ಧ್ಯಜಿತ ಮನ್ಮಥ ಕೋಟಿ ಮೌಗ್ಧ್ಯಂ
ಸತ್ತೇಜಸಾ ವಿಜಿತ ಕೋಟಿ ರವೀಂದು ದೀಪ್ತಮ್ |
ಸಂಭಾವನೇಪಿ ಜಿತಕಾಮದುಹಂ ಪವಿತ್ರಂ
ಶ್ರೀ ಕೃಷ್ಣಪಾದಯುಗಲಂ ಶರಣಂ ಪ್ರಪದ್ಯೇ ||
ಮೌನೀಂದ್ರ ಮಾನಸ ಸರೋವರ ರಾಜಹಂಸಂ
ಸನ್ಯಾಸಮೇತ ಮಹಿಷೀ ಹೃದಯಾಬ್ಜಸೂರ್ಯಮ್ |
ಶ್ರೀ ರುಕ್ಮಿಣೀ ಕರಸರೋರುಹ ಲಾಲಿತಂ ತತ್
ಶ್ರೀ ಕೃಷ್ಣಪಾದಯುಗಲಂ ಶರಣಂ ಪ್ರಪದ್ಯೇ ||
ದೂರೀಕೃತಾರ್ಜುನ ರಣೋತ್ಥಿತ ಕಾತರತ್ವಂ
ಮೋಚಿಕೃತಾಹಿಖಿಲ ಪೀಡಿತಗೋಪಲೋಕಮ್ |
ಸಚ್ಛೀತಲೀಕೃತ ಭುವ ನಖರ ಪ್ರಕಾಶೈಃ
ಶ್ರೀ ಕೃಷ್ಣಪಾದಯುಗಲಂ ಶರಣಂ ಪ್ರಪದ್ಯೇ ||
ಶ್ರೇಯಸ್ಕರಂ ಪತಿತಪಾವನ ವತ್ಸಲಂ ತತ್
ರಕ್ಷಾಕೃರಂ ಶರಣದಂ ಶರಣಾಶ್ರಿತಾನಾಮ್ |
ಮೋಕ್ಷಪ್ರದಂ ಶುಭಕರಂ ಕಲಿಕಲ್ಮಷಷ್ಘಂ
ಶ್ರೀ ಕೃಷ್ಣಪಾದಯುಗಲಂ ಶರಣಂ ಪ್ರಪದ್ಯೇ ||
ಶಿಂಜಾನ ಮಂಜುಲ ಮೃದುಸ್ವನ ನೂಪುರಾಢ್ಯಂ
ನವ್ಯಾರವಿಂದ ವಿಜಯೋದ್ಯತ ಸೌಮ್ಯಭಾವಮ್ |
ದಿವ್ಯಂ ಸದಾನುಭವನೇಪಿ ನವಾನುಭಾವ್ಯಂ
ಶ್ರೀ ಕೃಷ್ಣಪಾದಯುಗಲಂ ಶರಣಂ ಪ್ರಪದ್ಯೇ ||
ಧಾವಂತಮೇವ ಯಧುನಾಥ ಗೃಹಾಂಗಣೇ ತತ್
ನೃತ್ಯಂತಮೇವ ಯಮುನಾ ಪುಲಿನೇ ಪವಿತ್ರೇ
ಖೇಲಂತಮೇವಮನಿಶಂ ಹೃದಯಾಂಗಣೇ ಮೇ
ಶ್ರೀ ಕೃಷ್ಣಪಾದಯುಗಲಂ ಶರಣಂ ಪ್ರಪದ್ಯೇ ||
ಶ್ರೀ ಕೃಷ್ಣದೇವ ಮುರಲೀಧರ ಮೇ ಮುರಾರೇ
ತತ್ಪಾದ ಪದ್ಮಯುಗಲಾಚ್ಚ ಪರಂ ನ ಜಾನೇ |
ತಸ್ಮಾನ್ಮಮೇಶ ಭಗವಾನ್ ಕರುಣಾಪಯೋಧೇ
ತತ್ಪಾದ ಪದ್ಮ ಶರಣಂ ಕೃಪಯಾ ಪ್ರದೇಹಿ ||
|| ಮಂಗಲಾಶಾಸನಂ ||
ಶ್ರೀಮದ್ಭಿಃ ಸುಕೃತೀಂದ್ರೈಃ ಸಂಸ್ಥಾಪಿತ ದಿವ್ಯಮೂರ್ತಯೇ |
ಶುಭೇ ಕೋಟಾಪುರೇ ನಿತ್ಯಂ ಭ್ರಾಜಮಾನಾಯ ಮಂಗಲಂ ||
ಮುಗ್ಧಕೌಮಾರ ರೂಪಾಯ ಮುಮುಕ್ಷೋರ್ಮೋಕ್ಷದಾಯಿನೇ |
ಮುರಲೀಧರ ಕೃಷ್ಣಾಯ ಪರಾನಂದಯಾ ಮಂಗಲಂ ||
ರಮಿತಾಖಿಲಲೋಕಾಯ ರಮ್ಯವಂಶೀಸ್ವನೇನ ಚ |
ಮುರಲೀಧರ ಕೃಷ್ಣಾಯ ರಾಧಾನಂದಾಯ ಮಂಗಲಂ ||
ಲೀಲಾಮಾನುಷವೇಷಾಯ ವಿಷ್ಣವೇ ಕರುಣಾಭ್ಧಯೇ |
ಮುರಲೀಧರ ಕೃಷ್ಣಾಯ ವಿಷ್ವಾನಂದಾಯ ಮಂಗಲಂ ||
ಧರಣೀಭಾರನಾಶಾರ್ಥಂ ಧರಣ್ಯಾಂ ಧೃತ ರೂಪಿಣೇ |
ಮುರಲೀಧರ ಕೃಷ್ಣಾಯ ಸುರಾನಂದಾಯ ಮಂಗಲಂ ||
ರಮಣೀಚೀರಚೋರಾಯ ರಮಣೈ ಚೀರದಾಯಿನೇ |
ಮುರಲೀಧರ ಕೃಷ್ಣಾಯ ಗೋಪಾನಂದಾಯ ಮಂಗಲಂ ||
ಕೃಷ್ಣಾಯಾರ್ಜುನ ಮಿತ್ರಾಯ ಗೀತಾಪೀಯೂಷದಾಯಿನೇ |
ಮುರಲೀಧರ ಕೃಷ್ಣಾಯ ಭಕ್ತಾನಂದಾಯ ಮಂಗಲಂ ||
ಯಶೋಮತೀ ಕುಮಾರಾಯ ಯದುವಂಶಾಂಬುಧೀಂದವೇ ||
ಮುರಲೀಧರ ಕೃಷ್ಣಾಯ ನಂದಾನಂದಾಯ ಮಂಗಲಂ ||
ನಲಿನಾಯತ ನೇತ್ರಾಯ ನವಾಂಭೋರುಹ ಮಾಲಿನೇ |
ಮುರಲೀಧರ ಕೃಷ್ಣಾಯ ಶುಕಾನಂದಾಯ ಮಂಗಲಂ ||
ಮೋಹನಾಸ್ಮಿತ ವಕ್ತ್ರೇಣ ಜಗದಾನಂದ ರೂಪಿಣೇ |
ಮುರಲೀಧರ ಕೃಷ್ಣಾಯ ಪದ್ಮಾನಂದಾಯ ಮಂಗಲಂ ||
ನಗಧರಾಯ ನಿತ್ಯಾಯ ನಯನಾನಂದ ರೂಪಿಣೇ |
ಮುರಲೀಧರ ಕೃಷ್ಣಾಯ ಚಿದಾನಂದಾಯ ಮಂಗಲಂ ||
ಮಥುರಾನಗರೀಶಾಯ ದೇವಕೀನಂದನಾಯಚ |
ಮುರಲೀಧರ ಕೃಷ್ಣಾಯ ಸದಾನಂದಯ ಮಂಗಲಂ ||
ನಿಗಮದ್ರುಮ ಮೂಲಾಯ ನಿಗಮೈಸ್ತುನುತಾಯ ಚ |
ಮುರಲೀಧರ ಕೃಷ್ಣಾಯ ವೇದಾನಂದಾಯ ಮಂಗಲಂ ||
ದಾಮೋದರಾಯ ದೈತ್ಯಾನಾಂ ಧ್ವಂಸಿನೇ ಸುಗುಣಾತ್ಮನೇ |
ಮುರಲೀಧರ ಕೃಷ್ಣಾಯ ನಿತ್ಯಾನಂದಾಯ ಮಂಗಲಂ ||
ಅಚ್ಚುತಾಯಾಪ್ರಮೇಯಾಯ ಬ್ರಹ್ಮಣೇ ಪರಮಾತ್ಮನೇ |
ಮುರಲೀಧರ ಕೃಷ್ಣಾಯ ಶುದ್ಧಾನಂದಾಯ ಮಂಗಲಂ ||
ಪವಿತ್ರಾಣಾಂ ಪವಿತ್ರಾಯ ಮಂಗಲೈಕಸ್ವರೂಪಿಣೇ |
ಮುರಲೀಧರ ಕೃಷ್ಣಾಯ ಮಮಾನಂದಾಯ ಮಂಗಲಂ ||
ಶ್ರೀ ಶ್ರೀ ಕಾಶೀಮಠೇಭ್ಯೋ ಜಯತೀ ಜಯ ಮಂಗಲಂ |
ಶ್ರೀ ಕೃಷ್ಣ ಪಾದ ಭಕ್ತೇಭ್ಯೋ ಭವತು ನಿತ್ಯ ಮಂಗಂಲಂ ||
ಮುರಲೀಧರ ಕೃಷ್ಣಸ್ಯ ಮಂಗಲಾಶಾಸನಂ ಶುಭಂ |
ಪಠನ್ನರೋ ಲಭೇದ್ಭಕ್ತಿಂ ಶ್ರೀ ಕೃಷ್ಣ ಪಾದಪಂಕಜೇ ||
ಶ್ರೀ ಕೃಷ್ಣಾರ್ಪಣಮಸ್ತು
|| ದೀಪ ನಮಸ್ಕಾರ ||
ವಂದೇ ವೇಣುಧರಂ ಕೃಷ್ಣಂ ಗೋವರ್ಧನಧರಂ ಹರಿಂ
ವಾಸುದೇವೇತಿ ವಿಖ್ಯಾತಂ ಕೌಸ್ತುಭಾದ್ಯಭಿಭೂಷಿತಂ |
ಶ್ರಿಯಾ ಸಂಸೇವ್ಯ ಪಾದಾಬ್ಜಂ ಗಂಗಾಜನ್ಮನಿಕೇತನಮ್
ನಿತ್ಯಂ ಪ್ರೇಮ ದಯಾಪೂರ್ಣ ಕೃಪಾ ದೃಷ್ಟ್ಯಾವಲೋಕಯಮ್ ||
ಕಾಶೀಮಠೀಯ ಯತಿವರ್ಯ ಸುಕೃತೀಂದ್ರ ಶಿಷ್ಯ
ಶ್ರೀಮದ್ ಸುಧೀಂದ್ರ ಯತಿವರ್ಯ ಮಹಾಪ್ರಸಾದಾತ್ |
ಸನ್ಮಂಗಲೇ ಶುಭತಿಥೌ ಸ್ವೀಕೃತ ಪುನಃಪ್ರತಿಷ್ಠಾ
ವಂಶೀ ವಿಭೂಷಿತ ವೇದವೇದ್ಯ ಕೃಪಾ ದೃಷ್ಟ್ಯಾವಲೋಕಯ ||
ಕೃಪಾಸಾಗರ ಸದ್ಧರ್ಮ ನಿತ್ಯಂ ಸಜ್ಜನ ರಕ್ಷಕ
ಸದಾ ಸಂಪೂರ್ಣ ನಿತ್ತ್ಯೇಕ್ಯ ಪೂರ್ಣ ಲಾವಣ್ಯ ಪಾವನ |
ನಿತ್ಯಂ ವೇಣುಂ ಕ್ವಣನ್ ಸರ್ವ ಉತ್ತಮೋತ್ತಮ ಅಚ್ಚುತಾ
ಸುಬ್ರಾಯ ಶರ್ಮ ಸುಪ್ರೀತ ಕೂಟ ಗ್ರಾಮ್ಯಾನ್ ಚ ಪಾಲಯ ||